910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

martes, 8 de enero de 2008

Añu Nuevu, escritus nuevus

¡Saludos, paisanus!

Diréis que ya jadi tiempu que nu escribu ná en esti lugal. Pos es verdá. Peru tamién es verdá que nel tiempu las vacancias naidi se poni a leel cosas ena redi. Y esu d'escribil pa no lo lea la genti, pos no es del gustu de naidi. Asina que me hi tomáu unas vacancias d'unus días en estu de dejal los mis escritus nel "blog".

Peru dendi hoi mesmu güelvu a lo mesmu, a intental contalvus cosas d'El Rebollal, a intental que tós sepamus un poquinu más alreol de la nuestra tierra y a seguil defendiendu la nuestra palra.

Pos esu, bienveníus a nuevu añu. Qu'esti añu 2008 venga llenu de cosas güenas pa tós nusotrus, pa la nuestra tierra y la nuestra genti.

Y qu'sti añu 2008 la nuestr palra tenga el respetu y la proteición que se mereci y a la que, sigún el artículu 3.3 de la Costitución, tieni derechu.

FELÍS AÑU 2008

2 comentarios:

Anónimo dijo...

Me prehentu:

Me huchean Pairi Anhi i soi calabaçón (de Don Benitu). Llevu ya un tiempu tratandu e mehoral mi estremeñu siguiendu las enseñáncias del Tiu Fraili (Ismael Carmona García http://cuyupaneharras.blogspot.com). Una mihina há que enceté un blog (http://palranti.wordpress.com/). Lo ehé un poquinu abaldonau, peru è güertu a escrebil angunus indirguis. Entri estus è trauciu un pal de fábulas d'Esopu. Tamién tengu l'entención de crial un culsinu d'estremeñu, pa ayual a los que les peti enseñalsi esta palra muestra.

Al tentu lo e uñilsi pa qu'el estremeñu creça, creu que poquinu a poquinu eberiemus crial anguna crasi e socieá cumu una Acaemia e la Palra Estremeña u apaiciu. Los asturianus tién una i paici que nu les va el tó mal la cosina. Quiziá col tiempu, las estitucionis oficialis s'entresin pol muestru proyetu. Esta socieá, puerie espubrical rivistas u librinus pa precural las perras nesezárias pa tiral palantri.

Es una idea namás.

Güenu, vesitai el mi blog i un salú:

http://palranti.wordpress.com/

TXEBE dijo...

Bienveníu al mi "blog", Pairi Ánhi. Esperu que te haiga gustáu lo que has leíu.

Alreol de lo que idin nel tu escritu, créu qu'es una güena idea porque, ya sólu con qu'esista una Academia pa la nuestra lengua, esu jadi que se le tenga un poquinu más de respetu.

Güenu, muchas gracias por el tú escritu, y bienveníu.