910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

miércoles, 30 de marzo de 2011

Congresu en Astorga

El sábadu 26 de marzu se jidu en Astorga un congresu alreol de las palras minoritarias, comu son el leonés y el gallegu. Pa chalral de la nuestra palra d'El Rebollal (comu ya sabemus, una de las palras leonesas) estuvu Ángel Iglesias Ovejero, presidenti de "Documentación y Estudio de El Rebollar" y natural de Robrea.

Paici que la cosa jué mú bien, que la genti queó mú contenta y que, otra vés, los periódicus han tratáu mú bien el tema, lo que quieri idil que estu de las palras INTERESA y que cá vés más genti ve qu'ena nuestra tierra tenemus un tesoru que hai que defendel.

Comu muestra, lo que salió nel periódicu Salamanca24horas.com: Astorga acoge una Jornada sobre Patrimonio Lingüístico con destacada presencia del Rebollar

Comu no pué sel menus, siempri hai anguién en contra. Asina, nel primel escritu apaeci anguién que, además, idi sel d'El Rebollal, anguién que, además, de cretical a los que defendemus la palra y la cultura tradicional de la nuestra tierra NO DA LA CARA (porque otrus, anque escribamus con un moti, es un moti reconocíu pol tó'l mundu). Pocu d'El Rebollal puedi sel el qu'está en contra de la nuestra lengua, la que himus heredáu de los nuestrus antepasáus, la que, si de verdá es d'El Rebollal, han palráu tamién los sus padris, agüelus,... Pocu d'El Rebollal puedi sel cuandu presigui y desprecia a los que jademus lo que podemus y más pol defendel no sólu la nuestra palra, sinu tóa la cultura tradicional de la nuestra tierra. Pocu d'El Rebollal puedi sel el que s'avergüenza de la nuestra herencia cultural.

Güenu, tampocu quieru dali más pubricidá de la que se mereci a esta genti. Lo emportanti es que la nuestra palra cá vés es más conocía, que la nuestra tierra cá vés la conoci más genti pol mé, entri otras cosas, de la nuestra palra. Y, lo más emportanti, qu'entovía se puedi oyel a la nuestra genti palral asina, ussal la nuestra palra, la palra de los sus padris, la palra de los sus agüelus,... Y asina seguirá siendu nel futuru, mal que le pesi a anguna genti.

Noragüena a Ángel y a tóa la genti que defiendi la nuestra palra y la nuestra cultura.

Palra d'El Rebollal.
¡¡RESPETU Y OFICIALIDÁ!!

5 comentarios:

Anónimo dijo...

Muchas felicidades, pero vuelve a faltar el video. Creo que se está obviando continuamenmte que muchos estamos en la emigración forzada y no podemos acudir a estos congresos. Es básico en la actualidad publicar las charlas por youtube, etc. Repito, felicidades y tratad de darle la máxima difusión(escrita, oral y visual)

EL MOTERU dijo...

Sabis de sobra que los que están en contra de la nuestra palrá es por compleju de inferioridá.
!!Ay probitu del que se averguenza de las sus raicis!!
Se está avergonzandu de sus antepasaus y de su propia tierra.

TXEBE dijo...

Gracias a dambus dos.

Al anónimu, alreol de lo del vídeu, yo no pudi il jasta Astorga, asina que no hi puíu grabal ná. Peru se trendrá en cuenta pa otras vecis (que las habrá nel futuru).

car hire dijo...

I definitely loved every part of it and i also have you book-marked to see new things on your site.

- taxi booking in ahmedabad | book a cab in ahmedabad | car rental services in ahmedabad

hermes handbags dijo...

It proved to be Incredibly helpful to me and I am sure to all the commenters here It is always nice when you can not only be informed, but also entertained I’m certain you had fun writing this article.