910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

miércoles, 13 de abril de 2011

El curdión n'El Rebollal



Comu angunus ya sabéis, el sábadu que pasó, el 9 d'abril, jidimus en Villarrubias un encuentru de genti que toca el curdión. Comu siempri que s'organiza anguna cosina, se tieni nel pensamientu si saldrá bien, si saldrá mal, si va a respondel la genti,... Y, la verdá, esi día respondió la genti mú bien, lo mesmu los que vinun a tocal que los que vinun a oyel tocal.

Estrumentus tradicionalis tenemus unus pocus n'El Rebollal: el panderu cuadráu, la sartén, la gaita y el tamboril y las castañuelas. Peru, dendi hai un tiempu, el curdión s'está apencipiandu a jadel un güequinu en dretru la nuestra cultura tradicional.

Y es que el curdión es un estrumentu mú políu de tocal y de oyel (no mos equivoquemus, tós los que hi mentáu tamién). Y a la genti de Villarrubias, o a la de Robrea, o a la de cualisquiera los nuestrus pueblus en cuantis que oyi sonal un curdión, paici comu si se le abriesi una ventanina nel alma pol andi entra un rayinu de lús.

En Villarrubias mesmu hai unus cuantus que, pol Santu Ferinu, siempri sacan de ronda el curdión, y el día que comemus la vaca nel Riufríu siempri la llevan pa tocal y bailal. Y la genti baila, lo mesmu que baila con el tamboril, o con el panderu, o con la sartén, o con una orquesta. Y tenemus anguna genti n'El Rebollal que toca mú bien.

Pos ná, esa tardi del sábadu mos ajuntamus 14 curdionis, y yo conté alreol de 70 presonas ena Praza el lugal. Chemari "Cocu", Juan, Ninu "Lisboa" y Toñitu de Villarrubias; Pabru el tamborileru, su padri Manuel y Juan (el que jué alcaldi) de Robrea; Pedru de Saúgu; Domingu "Rei" de Peñaparda; Sidru de Monsagru y el su curdión verdi (ya no jadin muchus d'esa colol); Santiagu de Ciarrodrigu con los sus 90 añus y el su bandoneón (el que s'ussan pa tocal los tangus); Jussé de San Martín de Treveju y Antoñu "Tó" de Las Arañas (Portugal) juerun una buena compaña y, cá unu al su mó y manera, cá unu conas sus tonás, unus mejol (porque llevan más tiempu) y otrus menus mejol (porqu'están aprendiendu), tós ellus jidun que la tardi el sábadu juesi especial.

Dispués, comu no puía sel menus, mos juimus de ronda pol el lugal, comu en una güena tardi de fiesta de las d'antañu. Y corrimus las cuatru tabernas del lugal con los curdionis y la mi concertina irlandesa, tocandu un poquininu en cá lugal.

Faltó genti. Faltó mi tíu Toñín, que cuandu vivía era un hombri pegáu a un curdión. Faltó Chenchu, que tuvu un problema de salús del qu'esperemus que salga bien. Faltó otra genti que no pudu venil. Peru lo que no faltarun juerun las ganas de seguil tocandu y seguil aprendiendu.

Palra d'El Rebollal.
¡¡RESPETU Y OFICIALIDÁ!!

5 comentarios:

EL MOTERU dijo...

Pa mi juntu con Quicu de pañaparda,y Toñin "el Portugues".Estaba Toñu de tia Marinacia en Roblea. Jidu bailal a tres jeneracionis en el su salon de la praza. La mia la última.
No lo hi vistu en las afotus. ¿Que paso? ¿Que no estaba con animus?.
Mu guena la idea dagal.

Javier dijo...

Adelante con este tipo de iniciativas lingüísticas y culturales en general; la pérdida de patrimonio que sufrimos día a día supone un empobrecimiento lamentable.

Anónimo dijo...

Wonderful post, really great tips and advice. I was interested by your comment,
Cheap Flights to Johannesburg
Flights to Johannesburg
Johannesburg Flights

car rental services in ahmedabad dijo...

I want to to thank you for your time for this fantastic read!!

- hire taxi in ahmedabad | ahmedabad taxi hire | taxi on rent in ahmedabad

birkin bag dijo...

Ever considered adding some different viewings to your article? I think it might enhance everyone’s understanding.