910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

domingo, 17 de enero de 2010

Un añu más, y van 105


Esti añu, comu hai ya angunus añus que vengu jadiendu, voi a recordal el cumpriañus de la Tia Gora. Anque esti añu no hi vistu por aquí a la telivisión, ni a los periódicus, el jadel 105 añus de verdá que tieni el su méritu. Y dendi esti rinconinu de la redi no quieru dejal que pasi de largu.

La Tia Gora nació ya hai 105 añus, tan lejotis comu el día 4 d'eneru del añu 1905. No voi a contal aquí la vía de la Tia Gora, que de seguru que da pa un libru, dendi su viaji a Francia, antis de la Guerra, a los tiempus de lleval traviessas a Ciarrodrigu,... Y las sus ganas de cantal (tólus días se la puedi oyel cantal en la su cassa), y la su mimoria.

Tia Gora es hestoria viva. Son muchas las cosas que puedi contal. Son muchas las cosas que ha vivíu. Y de seguru qu'es la presona más vieja que ha vivíu, de siempri, n'El Rebollal. Además, con otrus dos méritus a sumal al de los añus que tieni: seguil vistiendu al mó y manera tradicional, y seguil ussandu la nuestra lengua, la palra d'El Rebollal (la Tia Gora es la mayol de tólus palrantis del leonés d'El Rebollal, anque haiga quien quieri jadel creel qu'es la única presona que palra la nuestra clasi de leonés, más por deséu de que se muera la nuestra lengua que por sel verdá).

No quieru olvialmi d'otra centenaria de Peñaparda: la Tia Lonisia "Cabrera", que jidu el veranu pasáu 103 y va caminu de los 104.

Ojalá que dambas dos estén entovía muchus añus con nusotrus. Felicidadis, Tia Gora. Felicidadis, El Rebollal.

Palra d'El Rebollal.
¡¡RESPETU Y OFICIALIDÁ!!

4 comentarios:

EL MOTERU dijo...

Feliz cumpleañus pa la Tia Gora. Una Pañapardina y Rebollana de pura casta.

Ander Medina dijo...

Nu sabía yo cuándu caía'l cumpriañus de la Tía Gora. M'alegru de sabel d'ella y vela en esa afotu. Hai unus añus cuandu fui cona mi familia pa Peñaparda José Benito mos presentó a la Tía Gora. Ara pueu idil que esta gran mujel es un ejempru a seguil: la su vitalidá es impresionanti.

Felicidadis a la Tía Gora y que acotine asina.

Saludus a José Benito y a las gentis d'El Rebollal.

santos dijo...

Hola José Benito,p'atí t'amién muchas peru que muchas felicidadis que cumpras muchus con salus acompañau de lus seris más querius, te desea un rebollanu de tó corazón .
Santus

Anónimo dijo...

FELICIDADES POR EL BLOG "EL REBOLLAL" Y QUE SE CONSERVE ESTE RICO IDIOMA !! UN ABRAZO DE UNA PEÑAPARDINA (CABRERA)