910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

miércoles, 1 de julio de 2009

Cincu añus


El tiempu corri y corri, y no mos damus ni cuenta. ¡Cincu añus! ¡Paici mentira!

¿Que de qué estoi palrandu? Pos de que ya hai cincu añus que mos vinimus a vivil a Peñaparda, y ya hai cincu añus que ms pusimus a jadel panis, y perrunillas, y madalenas, y rosconis,...

Cincu añus paicin muchus. Comu no pué sel menus, himus teníu tiempus güenus y tiempus malus. Peru lo que no mos ha faltáu nunca es la ilusión y las ganas de jadel bien las cosas, de defendel la nuestra tierra y la nuestra cultura.

Quiciás esté equivocáu, peru me paici que la mi panadería, la "Tahona El Tamborileru", es el únicu negociu que hai en la comarca d'El Rebollal que tieni puestu el su nombri en la nuestra lengua. No sólu esu, sinu que los cartelis y papelis dl comerciu están escritus tamién en la palra d'El Rebollal, y lo mesmu con los sacus andi metemus los dulcis, además con la marca "JECHU N'EL REBOLLAL". Y es que hai que predical con el ejempru.

Pos sí, dagalis, ya han pasáu cincu añus. Muchus de los que leéis esti escritu héis pasáu anguna vés pola mi cassa de vesita, o a compral, o a salualmi. Y vos lo agraezu muchu. Agora, a pol otrus cincu añus.

Palra d'El Rebollal.
¡¡RESPETU Y OFICIALIDÁ!!


AFOTU: unu de los Rosconis de Reyis que jademus pal Día los Reyis

2 comentarios:

Ander Medina dijo...

¡Güenas, José Benito!

Cuandu jui cona mi familia pa vesitalti a Peñaparda lu primeru que vi nel tu comerciu jueron lus cartelis escritus ena palra el rebollal y esu me paeció mú positivu.

Asperu golvel angún día y compral más panis y golvel s saludal a la Tía Gora, que de seguru andará igual de bien cumu siempri.

EL MOTERU dijo...

mientras que mantengas la ilusión el coraji y las ganas de jadel bien las cosas, pasaran otrus cincuenta pol lo menus.