910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

martes, 3 de febrero de 2009

Estoi nomináu

Pos sí, paisanus. No es cosa de ningún programa de telivisión ni ná d'esu. Lo que pasa es qu'es istitutu "León Felipe", de Benaventi (Zamora) ha sacáu unus premius a la música tradicional, los Premios MT 2009 y, polu que se vé, estoi nomináu pal premiu "Joven Valor" por tocal la gaita y el tamboril. Asina vieni nel enlaci de la página de los premius:

Tamien me dijun esti fin de semana que había salíu pubricáu en un periódicu, nel Tribuna de Salamanca del lunis 26, idin que con un retratu y tó. Nel periódicu en interné tamién salió la noticia, anque sin afotu. El enlaci es:

La verdá, nunca pensé que me juesin a nominal a un premiu asina, muchu más cuandu los candidatus los poni otra genti. Y no creu que al final me vaya a lleval premiu ningunu, porque hai mucha genti mú güena nominá. Peru ya el que te mientin y sepan de ti pa tenelti en cuenta pa unus premius ya es un premiu de pol sí. A los que s'acordarun de mi pa éstu, muchas gracias.

Güenu, dagalis. A vel en qué para tó estu. Comu ya diji aniantis, no créu que saqui premiu ningunu. Peru ¿y si al final sacu algu? Soñal es gratis...

Palra d'El Rebollal.
¡¡RESPETU Y OFICIALIDÁ!!

3 comentarios:

tiu Cancho dijo...

Noragüena, compañeru!

Anónimo dijo...

M'alegru abondu, José Benitu. La verdá es que nu tienis de soñal ná, sinu apencipial a pensal que de seguru vas a sel el ganaol el concursu. Noragüena dendi las Vascongás.

Creu que tinía d'habel unas escuelas d'arte salamanquinu (cantaris y instrumentus pa tocal). Sé qu'había una peru lei algu n'Espeja sobri la idea de quitala. No m'estrañaría a estas alturas... siempri intentandu borral lu qu'es de Salamanca y los sus puebrus. Resultas güenu sabel qu'hay y habrá genti dispuesta a jadel algu pola genti y los puebrinus, comu'l PREPAL.

¡Ánimu y alanti con el concursu!

EL MOTERU dijo...

Tu dejati sobal el lomu y si cai algu mejol pa ti. Digu yo que algu habras jechu pa sel a ti al que nominin. Hombri dagal tamborilerus hay muchus. y al fin tos lo jadin por aficion por que pa vivil de esu pos comu que no.Si se quieri premial el esfuerzu y no hay pa tos a algunu le tieni que tocal.