910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

jueves, 6 de diciembre de 2007

La palra d'El Rebollal y la Costitución


MIÉRCOLIS, 5 DE DICIEMBRI. Niebra a la mañana, sol a la tardi. Mín: -0'5ºC Máx: 14'4ºC

JUEVIS, 6 DE DICIEMBRI. Niebra alta. Mín: 6'5ºC Máx: 12'5ºC

Hoi día 6 de diciembri la nuestra Costitución, la prencipal de las leyis d'esti país que llamamus España, jadi 29 añus. En éstus añus han pasáu muchas cosas, muchas güenas y otras tantas malas, y la vía política d'España ha estáu alreol d'esi librinu que, anque chicu, es el libru más emportanti de los escritus n'esti país (dispués de "El corral los mis agüelus", craru, jejeje).

Ena Costitución se palran de muchas cosas: derechus, deberis,... Y tamién de las lenguas y palras d'España. Anque idi qu'el casstellanu es la lengua oficial (art. 3.1), no se olvía de las demás lenguas.

Y aquí es andi entra la nuestra palra.

Ya nel PREÁMBULU idi: La Nación española (...) proclama la su voluntá de:
(...) Protegel a tólus españolis y pueblus d'España (...) las sus culturas, tradicionis, lenguas e istitucionis.


Peru no quea ahí la cosa. Veamus lo qu'idi el artículu 3.3 de la Costitución: La riqueza de las diferentis palras d'España es un patrimoñu cultural que será ojetu d'especial RESPETU Y PROTECIÓN.

¿Se cumpri la Costitución nel casu de la palra d'El Rebollal? Nel mi parecel no. Las alcaldis, justicialis,... d'El Rebollal no sólu no jadin ná (o cuasi ná) pol defendel la nuestra lengua sinu que, además de no teneli ningún respetu, se jadi tólu que se puedi para que desapareza.

Lo que voi a idil agora está craru. Señoris (y señoras) alcaldis y justicialis d'El Rebollal. La palra d'El Rebollal mereci RESPETU Y PROTECIÓN. No lo digu yo, lo idi la nuestra Costitución de 1978. Me paici que ya es tiempu de que apencipie a cumprilsi.

PALRA D'EL REBOLLAL, ¡¡RESPETU Y OFICIALIDÁ!!

NOTA: afotu del Morumentu a la Costitución ena ciudá de Leganés (Madrís)

1 comentario:

Ismael Carmona García dijo...

Chacho, chacho! Pahi mentira que nu aiga atopau enantis la tu bitácura! Te doi la noragüena -atrasá- pol bela criau polque de huru es otru puntu d'enterés i d'alcuentru pa tolos que labutamus pol astulionés la parti bahera, tu pa Salamanca i yo pa Estremaura.

Dati una güertina de que pueas pola mi bitácura -si nu la tinis ya vista denantis- i le hechas una guipaina a las cosinas sobri el estremeñu enas que labutu.

Un salú dendi Caçris.