910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

sábado, 28 de marzo de 2009

Acidentis

Ya llevaba muchu tiempu sin escribil ná nel blog. Quería habel chalráu de la primavera y esas cosas peru, comu idin los partis de la teli, "la actualidad manda".

Y es que menúa racha d'acidentis himus teníu en Villarrubias.

El primeru, el de Miguel (pa lus forerus, "El Viriu"). Y es que el miércolis estaba pintandu la chiminea la su cassa cuandu, al subil (u al bajal, qué sabemus) se le escachó unu de los peldañus de la escalera, y jué a dal con los sus güesus en la calli. Se jidu una pitera en la cabeza (quiciás se dió en la escalera al cael) y tenía un oju jincháu. Además, paici que se escachó tamién un brazu. Esa mesma mañana vinu la UVI del 112 pa llevalu a Ciarrodrigu (menúa pará inútil en metá el caminu, lo que tenía de habel es un HOSPITAL comu Dios manda y no el chicorzu que han jechu) y dispués a Salamanca al hospital.

El segundu, el de una cuñá de la ex-alcaldesa de Villarrubias, una hermana del su maríu. Paici qu'estaba limpiandu los canalis de la su cassa, en la Calli la Ilesia, cuandu al pisal la uralita se risbaló y cayó al suelu dendi 4 metrus lo menus. Esta vés tuvu de venil el helicópteru pa llevala ligiera a Salamanca, porque la cosa parecía gravi. Al final, sigún me diju la corréa, paici ue tieni derrotá una muñeca y anguna vértebra de la espalda. Y entovia puedi dal gracias porque esas caías son mú malas. Esti jasta salió en la arradiu y en los periódicus. Vos pongu el enlaci con la noticia:

Güenu, pos asina estamus n'El Rebollal. Dendi esti rinconinu de la redi un abrazu mú juerti pa dambus dos, y a vel si se ponin güenus prontu, que menudu sustu mos han dáu.

Palra d'El Rebollal
¡¡RESPETU Y OFICIALIDÁ!!

2 comentarios:

EL MOTERU dijo...

Tamborileru, si vas pol Villas andati con cuidiau con las escaleras. Si es que no puemus menus de andal jornagueandu y las cosas se enviejan. Si ves al VIRIU ,jali llegal mi apoyu. Provitu !que esfarrapaitu que ha queau!

TXEBE dijo...

Pierdi cudiáu, dagal. En cuantis le vea le digu que has preguntáu por él y le mandas recuerdus.

Un saludu, paisanu.