910-2010

Esti añu 2010 el Reinu de León (Salamanca, Zamora y León) jadi 1.100 añus. No debemus olvial que es n'esti Reinu nel que la nuestra comarca d'El Rebollal ajundi las sus raícis historicas y culturalis. Por esu, dendi esti rinconinu queremus recordal el su cumpriañus. FELICIDADIS

jueves, 7 de febrero de 2008

Más de 1000 vesitas

Pos sí, amigus. Esti "blog" ya tieni más de 1000 vesitas.

Quiciás sea porque es interesanti lo qu'escribu. Quiciás sea porque hai genti a la que le gusta leel cosas ena palra d'El Rebollal. Quiciás sea por sabel más alreol d'El Rebollal. Quiciás sea pa riilsi un ratinu. O quiciás, por qué no, porque le caigu bien.

El casu es que, entri unus y otrus héis jechu que esti humildi lugal, esti "blog" alreol d'El Rebollal, tenga ya más de 1000 vesitas.

Ya sé qu'estus últimus tiempus lu hi teníu más abandonáu que de costumbri peru voi a intental golvel a escribil más de continu, chalrandu de tó un pocu, peru siempri con El Rebollal y la nuestra palra bien presentis.

Muchas gracias a tólus que héis entráu a leel lo que hi escritu estus mesis. Muchas gracias a tólus que héis dejáu el vuestru parecel alreol de lo que hi escritu. Y muchas gracias, pol alantráu, a tólus que leáis los mis escritu dis quí p'alantri.

Yo, intentaré jadel las cosas tólu mejol que puéa.

2 comentarios:

Anónimo dijo...

no me estraña que tengas tantas visitas, yo cada vez que entro me lo paso muy bien, me gustan tus comentarios y ademas me encanta que intentes mantener las tradiciones.
sigue así y veras como tienes muchas mas visitas.
un saludito.

TXEBE dijo...

Gracias por leer el blog, y gracias por los ánimos. De vez en cuando, no vienen mal.

Un abrazo.