De tós es sabíu qu'el prencipal problema de tólus pueblus es que nacin pocus dagalis. La nuestra comarca d'El Rebollal no iba a sel menus, y tieni los mesmus problemas que los demás en esti sentíu.
Peru esti añu 2009 paici que naci la esperanza pa la nuestra tierra. Ya vos escribí, en esti mesmu rinconinu, que en Peñaparda teniamus un dagal nuevu, Christian. Peru no sólu esu: en Robrea y en Villarrubias tamién tenemus dagalis nuevus, que nacierun jadrá 10 diínas. Jonathan, que vivi con los sus padris en Robrea, y Lucas, que es el nuevu dagal de Villarrubias. Dos rayinus d'esperanza en lo escuru del futuru de la nuestra tierra.
Pos sí, héis leíu bien: en dos semaninas han nacíu tres dagalinus n'El Rebollal. Y lo mejol de tó es que vienin más en caminu, lo mesmu en Robrea qu'en Villarrubias. Si m'enteru cuandu nazan, vos tendré informáus aquí.
Pos ná, dal la noragüena a los nuevus padris, y la bienvenía a los dagalis. A vel si hai suerti y naci tamién anguna dagala. Lo dichu: NORAGÜENA y BIENVENÍUS.
Salús, libertá y cultura tradicional.
Palra d'El Rebollal.
¡¡RESPETU Y OFICIALIDÁ!!
Suscribirse a:
Enviar comentarios (Atom)
2 comentarios:
Mú güenas, antis de ná, José Benito. Ya hai tiempu que nu pasaba pur aquí.
Entri unas cosinas y otras, la verdá, nu me vaga. Amás hi aprencipiáu la universidá, ena Facultá de Derechu y ya se sabi que cuandu hai de trabajal u estudial nu jademus ná de lu que queremus.
Noragüena a la comarca'l Rebollal polus nenus qu'han nacíu -y a lus sus padris, craru-. En rialidá, asperemus que nazan más y más y que Lión, Zamora, Salamanca y demás provincias dejin sufril la despoblación que pocu a pocu acaba cunas tradicionis y el sentil d'unus pueblus que nu tienin de desaparecel.
Acotina asina, José Benito, tentaré pasalmi más a menúu. ¡Saludus!
Güenas, Ander. Me alegru de que sigas bien. Ya sabis qu'en esu del Derechu hay qu'estudial muchu. No es d'estrañal que no te vagui.
A vel si nacin muchus dagalis, que güena falta tenemus en la nuestra tierra y, comu bien idis, sobri tó en Lión, Zamora y Salamanca.
Güenu, dagal, esperu velti por aquí más vecis. Dali recuerdus a la tu familia, y a seguil bien.
Un saludu.
Publicar un comentario